መዝሙር (ድንቅ ነው) December 2, 2018
ድንቅ ነው ልዩ ነው ልዑል የእኛ ጌታ(፪)
ምስጋና ይድረሰው ከጠዋት እስከ ማታ
የማይመረመር በሰው ልጅ ህሊና
ረቂቅ ባህሪ ገናና ነው እና
ያለ የነበረ ከዘመናት በፊት
ለዘለዓለም ኗሪ ፈጣሬ ዓለማት
ድንቅ ነው ልዩ ነው ልዑል የእኛ ጌታ(፪)
ምስጋና ይድረሰው ከጠዋት እስከ ማታ
በፍጥረቱ ሁሉ የሚመሰገነው
ሃያሉ ጌታችን በእውነቱ ግሩም ነው
በፍጹም ልዩ ነው የእርሱ ጌትነቱ
አልፋ ዖሜጋ ጽኑ ነው መንግስቱ
ድንቅ ነው ልዩ ነው ልዑል የእኛ ጌታ(፪)
ምስጋና ይድረሰው ከጠዋት እስከ ማታ
በመላእክት ዓለም በሰማይ ከተማ
ለክብሩ ሲዘመር ማህሌት ሲሰማ
ያለምንም እረፍት በቀንና ሌሊት
ብፁዓን መላእክት የሚያመሰግኑት
ድንቅ ነው ልዩ ነው ልዑል የእኛ ጌታ(፪)
ምስጋና ይድረሰው ከጠዋት እስከ ማታ
አዳምን ለማዳን ፍጹም በመውደዱ
የማይሞተው አምላክ ሞተ በፍቃዱ
ሚስጥሩ ረቂቅ ነው ለሰዎች አእምሮ
ፍቅሩ ያስደንቃል ስናየው በአንክሮ
ድንቅ ነው ልዩ ነው ልዑል የእኛ ጌታ(፪)
ምስጋና ይድረሰው ከጠዋት እስከ ማታ