መዝሙር (እመ አምላክ) March 17, 2019
እመ አምላክ /፪/ አስቢኝ በሠርክ
ኀዘኔ ጭንቀቴ በጣም በዛብኝ
ከልጅሽ አስታርቂኝ አንቺው አማልጂኝ
ከመንበሩ ቆመሽ ንገሪው ለልጅሽ
እናቱ ነሽና እርሱ አያሳፍርሽ
እመ አምላክ /፪/ አስቢኝ በሠርክ
እኔ ኃጢአተኛው በደሌን አውቃለሁ
ምርኩዜ ነሽና እከተልሻለሁ
መንገዱ ጠፍቶብኝ የጽድቁ ጎዳና
መብራቱን አብሪልኝ እመጣለሁና
እመ አምላክ /፪/ አስቢኝ በሠርክ
መመገብ ይቅርብኝ አልራብምና
ስምሽን ስጠራ እጠግባለሁና
አበው ሊቃውንቱ በአንቺ ይመካሉ
እመ አምላክ እያሉ ስምሽን ይጠራሉ
እመ አምላክ /፪/ አስቢኝ በሠርክ
ከገሃነም አውጪኝ ከዚያ ነበልባል
ከሲኦል ወድቄ እንዳልቃጠል
ያ የስቃይ ሀገር ባህሩ ያሰጥመኛል
አንቺ ከለመንሽው ልጅሽ ያዝንልኛል
እመ አምላክ /፪/ አስቢኝ በሠርክ
እኔስ እፈራለሁ ምግባሬን ሳየው
ደካማው እምነቴ እየለየኝ ነው
አልረሳሽም ድንግል እማጸንሻለሁ
አማላጅነትሽ መድኅን ነው አውቃለሁ