መዝሙር (አምላካችን ተመስገን) August 5, 2018
አምላካችን ተመስገን /፪/ ለዚህ ቀን ያደረስከን
አምላካችን ተመስገን /፪/ ለዛሬ ያደረስከን
የሕይወትን መዝገብ ቃሉን ያስነበቡህ
በኃጢአት ስንማቅቅ በምሕረትህ ጠራኸን
በዓለም ስንባዝን ነበር በይቅርታህ መራኸን
አምላክ ሆይ ተመስገን
ትዕግሥትህ ብዙ ነው አያልቅም ርኅራኄህ
የምንከፍልህ ምን ይሆን ብዙ ነው ውለታህ
አምላክ ሆይ ተመስገን
አምላካችን ተመስገን /፪/ ለዚህ ቀን ያደረስከን
አምላካችን ተመስገን /፪/ ለዛሬ ያደረስከን
ከቶ የማትፈልግ ከሰው ልጆች ወሮታ
ቸር ፈጣሪ ነህና ሥራህ ድንቅ ነው ጌታ
አምላክ ሆይ ተመስገን
ይቅር ባይ አምላካችን ሆይ አንተን እናመልካለን
ከመዓትህ ታግሠህ ሁሉንም ይቅር አልከን
አምላክ ሆይ ተመስገን
አምላካችን ተመስገን /፪/ ለዚህ ቀን ያደረስከን
አምላካችን ተመስገን /፪/ ለዛሬ ያደረስከን
ኃጢአታችን ጨለማ ቢያደርገው ኑሮአችንን
በአንተ ተጎናጽፈናል የማዳንን ብርሃን
አምላክ ሆይ ተመስገን
ስላደረክልን ሁሉ ስለ ግሩም ሥራህ
የራስህን እንስጥህ ተመስገን እንበልህ
አምላክ ሆይ ተመስገን
አምላካችን ተመስገን /፪/ ለዚህ ቀን ያደረስከን
አምላካችን ተመስገን /፪/ ለዛሬ ያደረስከን