መዝሙር (ወላዲተ አምላክ) March 3, 2019
ወላዲተ አምላክ የሁሉ እመቤት
ለምኝልን ለእኛ ከልጅሽ ምህረት
በአንቺ አማላጅነት በእርሱ ቸርነት
እንዲያወጣን ነጻ ከፍርድ ቅጣት
ድንግል ሆይ ለምኝልን (፪)
በበደል ተዳክሞ ፈቃደ ነፍሳችን
በምድራዊ ምኞት ናውዞ ልቦናችን
ፍቅርና ትህትና ጠፍቶ ከፊታችን
ለሞት እንዳይሰጠን ይህ ክፉ ስራችን
ድንግል ሆይ ለምኝልን (፪)
የምስኪኖች ተስፋ የደካሞች ሃይል
ጠውልገናል እና ጥላ ሁኚን ድንግል
እምነት ጨምሪልን ልቦናችን ይጽና
እማምላክ አብሪልን የመዳንን ፋና
ድንግል ሆይ ለምኝልን (፪)
ፍጹም እንዳናዝን እንዳናፍር ኋላ
ተነጥቀን እንዳንቀር ከዘላለም ተድላ
በፍቅርሽ መልሽን ከሲኦል ጎዳና
ድንግል መመኪያችን ተስፋችን ነሽና
ድንግል ሆይ ለምኝልን (፪)