መዝሙር (ያዋጅ ነጋሪ ቃል) September 16, 2018
የደናግል መመኪያ የነቢያት ገዳም
አውደ ዓመቱን ባርኪልኝ ድንግል ማርያም
ያዋጅ ነጋሪ ቃል በበረሃ አየለ
የእግዚአብሔርን መንገድ አስተካክሉ እያለ
ምስክርነቱን ዮሐንስ ካስረዳን
ልባችን ለጌታ መልካም መንገድ ይሁን
ተራራው ዝቅ ይበል ጠማማውም ይቅና
ካልተስተካከለ መንገድ የለምና
የእግዚአብሔርን መንገድ እንመስርት ሁላችን
ማለፊያ እንዲ ሆነው ለመጭው ሃብታችን
የደናግል መመኪያ የነቢያት ገዳም
አውደ ዓመቱን ባርኪልኝ ድንግል ማርያም
ክፋትና ተንኰል ከልባችን ይጥፋ
ጽድቅና ርህራሄ በእኛ ላይ ይስፋፋ
ሥጋና ደምህን በክብር አግኝተናል
ሕይወት እንዲሆነን አምላክ ተማፅነናል
የደናግል መመኪያ የነቢያት ገዳም
አውደ ዓመቱን ባርኪልኝ ድንግል ማርያም
ሁለት ልብሶች ያሉት ከማብዛት ልብስን
ለሌለው ያድለው ሁለተኛውን
ከበደላችን አንጻን አደራህን
ከክፉ እንድንነጻ እኛ ባሮችህን
የደናግል መመኪያ የነቢያት ገዳም
አውደ ዓመቱን ባርኪልኝ ድንግል ማርያም