እልል በሉ
==============
እልል በሉ በአንድነት ዘምሩ
አመስግኑ ለክብሩ ዘምሩለት
እንደ እግዚአብሔር ያለ ማንም የለም በሉ
በኃጢያት ባርነት ስንኖር ተገዝተን
ከቤቱ ስንርቅ ትእዛዙን አፍርሰን
አይቶ ዝም ላላለን ጠላቶቹ ስንሆን
ውለታው ብዙ ነው ክብር ለዕርሱ ይሁን/2/
ደጅ ጠናሁ
==============
ደጅ ጠናሁ ቆይቼ ኪዳነምህረትን
ተፅናናሁኝ ረሳሁ ሀዘኔን
የአምላክ እናት እመቤታችን
ሞገስ ሁኚኝ ቀሪው ዘመኔን /2/
የመከራው ዘመን አለፈ እንደዋዛ
አንቺን ተጠግቼ የአለሟ ቤዛ
የልጅሽ ቸርነት ያንቺ ደግነት
ባሪያሽን ሰወረኝ ካስጨናቂ ሞት
እናቴ ስምሽን ስጠራ
አለፈ ያሁሉ መከራ
እንባዬ ከፊትሽ ፈሰሰ
እምዬ ባንቺ ነው የታበሰ
ሰላም ለኪ!
ደጅ ጠናሁ ቆይቼ ኪዳነምህረትን
ተፅናናሁኝ ረሳሁ ሀዘኔን
የአምላክ እናት እመቤታችን
ሞገስ ሁኚኝ ቀሪው ዘመኔን /2/
ሰዎች ደስ ይበለን
==============
ሰዎች ደስ ይበለን በአምላካችን
ከኃጢአት ባርነት ነፃ ላወጣን
ተነሱ እናመስግን ውለታው ብዙ ነው
ምን ይከፈለዋል ተመስገን ብቻ ነው
በኃጢአት በሽታ ወድቄ ሳለሁኝ
መድሃኒት ክርስቶስ ከውድቀቴ አነሳኝ
ስጦታው ብዙ ነው ለኔ የሰጠኝ
ተመስገን ብቻ ነው አምላክ ላንተ ያለኝ
አምላክ አትተወን የእጆችህ ሥራ ነን /፪/
በየቀኑ ወደ አንተ እንጮሃለን
ዝቅ ብለን እንለምንሃለን
ቀድሞ አባቶቻችን በአንተ ስለ አመኑ /፪/
ታድናቸው ነበር ቆመው ሲለምኑ /፪/
አምላክ አትተወን የእጆችህ ሥራ ነን /፪/
በየቀኑ ወደ አንተ እንጮሃለን
ዝቅ ብለን እንለምንሃለን
ቅዱስ ቅዱስ ቅዱስ እግዚአብሔር
ለአማልክት አምላክ እናቅርብለት ምስጋና
ምህረቱ ለዘላለም ነውና
ለነገሥታት ንጉሥ እናቅርብለት ምስጋና
የእስራኤል አምላክ ቅዱስ ቅዱስ ቅዱስ
በጠራንህ ጊዜ ፈጥነህ ድረስ /፫/
ቅዱስ ቅዱስ ቅዱስ እግዚአብሔር
ተገዙ ለእግዚአብሔር ስሙንም ጥሩ
ድንቅ ሥራውንም ለአሕዛብ ንገሩ
የእስራኤል አምላክ ቅዱስ ቅዱስ ቅዱስ
በጠራንህ ጊዜ ፈጥነህ ድረስ/፫/
