መዝሙር (ሞተሃልና ስለእኔ) March 17, 2019
ሞተሃልና ስለእኔ ምንም ሳይኖርብህ ጥፋት
ተከሰህ ተወቅሰህ በጲላጦስ ፊት
ኢየሱስ አምላከ ምሕረት ስብሐት ለከ
ስላላወቁህ አንተን የዓለም መድኃኒት መሆንህን
መቱህ በጭካኔ ብርሃን ፊትህን
ኢየሱስ መድኃኒታችን ስብሐት ለከ
Read more: መዝሙር (ሞተሃልና ስለእኔ) March 17, 2019
መዝሙር (ድንግል ሆይ ስለ አንቺ) March 10, 2019
ድንግል ሆይ ስለ አንቺ ነውና መሐሪ
አማልጂኝ ከአንድ ልጅሽ ከፈጣሪ
ስሙን እንዳልጠራ አንደበትም የለኝ
ፊቱንም እንዳላይ ሥራዬ አስቸገረኝ
ድንግል ሆይ ስለ አንቺ ነውና መሐሪ
አማልጂኝ ከአንድ ልጅሽ ከፈጣሪ
ታውቆኛል ጥፋቴ ብዙ እንደበደልኩኝ
ትእዛዙን እንደሻርኩ ህጉን እንደጣስኩኝ
ድንግል ሆይ ስለ አንቺ ነውና መሐሪ
አማልጂኝ ከአንድ ልጅሽ ከፈጣሪ
በፊቱ እንዳላፍር የተጠራሁ ለታ
እለምነዋለሁ ከአሁኑ ይቅርታ
ድንግል ሆይ ስለ አንቺ ነውና መሐሪ
አማልጂኝ ከአንድ ልጅሽ ከፈጣሪ
አንተ ክቡር መልአክ ልደቱን አብሣሪ
አማልደኝ ከጌታዬ ከፈጣሪ
ድንግል ሆይ ስለ አንቺ ነውና መሐሪ
አማልጂኝ ከአንድ ልጅሽ ከፈጣሪ
ፃድቃን ሰማእታት እናንተም ሁላችሁ
አማልዱኝ ከአምላኬ ከአምላካችሁ
ድንግል ሆይ ስለ አንቺ ነውና መሐሪ
አማልጂኝ ከአንድ ልጅሽ ከፈጣሪ
መዝሙር (አማን በአማን) March 10, 2019
አማን በአማን /፬/
አማኑኤል ተመስገን ለዚህ ፍቅርህ ምን እንበል /፪/
ድብቁን ኃጢአት አንተ ብትገልጸው
ይቅር ብለኸኝ ባትሸፋፍነው
እንደ ሰው በቀል ቢኖርህ ጌታ
ለእኔ ኃጢአትስ የለውም ቦታ
አማኑኤል ተመስገን ለዚህ ፍቅርህ ምን እንበል /፪/
መዝሙር (ወላዲተ አምላክ) March 3, 2019
ወላዲተ አምላክ የሁሉ እመቤት
ለምኝልን ለእኛ ከልጅሽ ምህረት
በአንቺ አማላጅነት በእርሱ ቸርነት
እንዲያወጣን ነጻ ከፍርድ ቅጣት
ድንግል ሆይ ለምኝልን (፪)
መዝሙር (እግዚአብሔር ሆይ እወድሃለሁ) March 3, 2019
እግዚአብሔር ሆይ እወድሃለሁ
ስለ ስምህ እቃጠላለው
ፍቅርህ እኔን ይመስጠኛል
እንደ እግዝአብሔር ከየት ይገኛል(፪)
አለም ሁሉ በጠላኝ ጊዜ
ስንገላታ ይዞኝ ትካዜ
አንተ ከኔ አልተለየህም
እግዝአብሔር ሆይ ወደር የለህም (፪)